Oq rangli tabletkalar blisterlarda 10 donadan, 1 ta oʻramda 20 ta tabletka.

Biologik aktiv qoʻshimchasi – qoʻshimcha rux manbai. Rux - muhim mikroelementdir, organizmda sintezlanmaydi. Keng spektrli biologik taʼsirlarga egadir, u tananing immun va antioksidant tizimlar normal faoliyat koʻrsatishi uchun juda muhim ahamiyatga ega. Inson tanasida rux oshqozon-ichak tizimida, endokrin bezlar (gipofiz bezlari, jinsiy bezlar, insulin sintezi), metabolizm, koʻz toʻr pardasida retinolni tiklash, suyaklar va tishlarni sogʻligʻini saqlab qolish, teri, soch va tirnoqlarni sogʻligʻini qoʻllab quvvatlashda muhim rol oʻynaydi. Sochlar toʻkilishini oldini oladi. Rux yara bitishi va reparatsiya jarayonlarda ishtiroq etadi. Asab va mushak tizimlari toʻgʻri ishlashi uchun muhim, xotirani yaxshilaydi, samaradorligini oshiradi. Yuqumli kasalliklarga chidamlilikni oshiradi.

Rux yetishmovchiligi ruxni oziq-ovqat mahsulotlari bilan yetarli darajada yetib bormasligi, rux soʻrilishining buzilishidan kelib chiqadi (masalan, ichak kasalliklari sababli). Shuningdek, ruxga yuqori talablik– intensiv usish, diareya, va katta jarohatlardan keyingi holat, kuyish va jarrohlik operatsiyalaridan keyin, alkogolizm va ichni suradigan preparatlar qabul qilgandan keyin paydo boʻlishi mumkin. Uzok muddatli rux tanqisligi oʻsishning kechikishiga, semizlik, jinsiy bez funksiyalarining pasayishi (gipogonadizm, sperma xarakatlanishining buzilishi), aqliy rivojlanishning buzilishi, xotira va diqqat konsentratsiyasi pasayishiga olib keladi. Rux tanqisligi infeksion kasalliklarga yuqori taʼsirchanlikka olib kelishi mumkin. Rux tanqisligi immunitetni pasayishi, tez-tez shamollash, diareya, dermatit, terida yiringli toshmalarning toshishi, terining quruqligi, qazgʻoq, teridagi yaralarning sekin bitishi, tirnoqlarning sinishi, soch toʻkilishi, stomatitlar, qorongʻida koʻz koʻrishi sustlashishi orqali namoyon boʻlishi mumkin.

Rux JSST tomonidan diareyani, OʻRVIni oldini olish va sogʻayishni tezlashtirish, hamda pnevmoniya rivoj-lanishi xavfini kamaytirish uchun, shu jumladan bolalarda, ovqatga qoʻshimcha sifatida tavsiya etiladi.

Tabletkalarni ichga ovqat bilan birga qabul qilinadi. Qabul qilish davomiyligi - 10 kundan 3 oygacha.

Rux yetishmovchiligini namoyon boʻlishiga qarab, shifokor boshqa dozalash rejimini tavsiya etishi mumkin, kuniga 4-6ta tabletkadan.

Diareyada: 6 oylikgacha boʻlgan bolalar uchun 10 mg (1 tabletka), 6 oylikdan oshgan bolalar va kattalar uchun 20 mg (2 tabletka) 10-14 kun mobaynida.

Sut mahsulotlari va spirtli ichimliklari bilan birga qabul qilish tavsiya etilmaydi.
Zarur boʻlsa, tabletkani oz miqdordagi suvda eritib qabul qilinadi.